ملابس باله المعادي بتقدم شرح مفصل لمشروع الباله

 

ملابس باله

 

يعني ايه ملابس باله؟

 

الباله هو اللبس استعمال الاجانب بيكون ملابس باله مستعمل خفيف وكله الباله ماركات عالميه والقطعه الجديده في الباله ممكن سعرها يتباع فوق الـ150 جنيه

 

يعني ايه باله كريمه او سوبر كريمه؟

 

الباله الكريمه او سوبر كريمه افضل انواع ملابس الباله بتكون جديده بالتيكت او جديد بدون تيكت او مستعمل خفيف خاااااااااااالص بالاضافة إلى موديلات الباله الكريمه أقوى دائماً من الدرجة الأولى

فيديو فتح بالة اطفال كريمة بلجيكي اضغط هنا

 

من اين تاتي ملابس البالة؟

 

فى السنوات الأخيرة دخل على الباله الخليجى والأمريكى والأسيوى وأصبحت تنقسم الى ملابس باله مستعملة درجة تانية وملابس باله استعمال خفيف وموديلاتها أقوى وهى الدرجة الاولى وأثناء الفرز يتم وضع القطع الجديدة والموديلات القوية ذات الاستعمال الخفيف جداً او غير المستخدمة أصلاً فى درجة تسمى البالة الكريمة

 لمشاهدة الجزء الثاني لفتح بالة اطفال كريمة بلجيكي اضغط هنا

 

هو مشروع ملابس باله ده مربح؟

 

الحمد الله مشروع ملابس بالكيلو او ملابس بالة مربح بفضل الله ومضمون بس محتاج تسويق حلو والمنتج عندك هنا بيسوق نفسه من جماله

 

وزن ملابس الباله قد ايه وأصنافها وعدد قطع البالة قد إيه؟

 

وزن البالة في الأغلب 50 كيلو في الأساس أو 45 كيلو أو 55 كيلو ودي بتبقى نادرًا.. عدد قطع البالة بيتوقف على الصنف والجودة والموسم (صيف أو شتاء) وفى أغلب الأحيان كل ما ترتفع الجودة بتكون البالة فيها ما خف وزنه وزادت قيمته وعلى سبيل المثال دى متوسطات لعدد قطع بعض بالات مقفولة 50 كيلو:

 

 :أصناف ملابس باله صيفى

 

لمشاهدة فتح بالة اطفال صيفي اضغط هنا

بالات ملابس اطفال

بالة ملابس اطفال 50 كيلو 480 قطعة تقريبا

بالات رجالي 50 كيلو (قميص) = 225 قطعة تقريبا

 بالة رجالي 50 كيلو (تى شيرت)= 270 قطعة تقريباً

 بالة بناتي أو بالة نسائي 50 كيلو (فيست وبدى) = 400 قطعة تقريباً

 ملابس بالة بناتي أو بالة نسائي 50 كيلو (شيميز وبلوزة) = 450 قطعة تقريباً

 ملابس بالة بناتي أو بالة نسائي 50 كيلو (فستان) = 195 قطعة تقريباً

 بالات رجالي 50 كيلو (شورت وبرمودا) = 170 قطعة تقريباً

 ملابس بالة رجالي 50 كيلو (رياضي) = 160 قطعة تقريباً

(بالات لانجيري) داخلى حريمى ولانجيرى ومايوه وكورسيه 50 كيلو  1000( قطعة

 باله رجالي 50 كيلو (بنطلون)= 75 قطعة تقريباً

بالة نسائي 50 كيلو (بنطلون)= 90 قطعة تقريباً

بالات اطفال 50 كيلو (بنطلون محير) = 1100 قطعة تقريباً

 

 اصناف ملابس باله شتوى

 

لمشاهدة فتح باله اطفال شتوي كريمة بلجيكي اضغط هنا

بالات ملابس رجالي

 بالات ملابس اطفال 50 كيلو = 270 قطعة تقريباً

 ملابس بالة رجالي 50 كيلو (جاكيت وسويتر)= 50 قطعة تقريباً

 بالات 50 كيلو (سويت شيرت رجالى) = 100 قطعة تقريباً

 بالات 50 كيلو (بلوفر رجالى) = 125 قطعة تقريباً

بالات 50 كيلو (بالطو رجالى) = 38 قطعة تقريباً

 بالات 50 كيلو حريمي (كنزة) = 220 قطعة تقريباً

 بالات 50 كيلو (كنزة طويلة حريمى) = 170 قطعة تقريباً

ملابس بالة بناتي 50 كيلو (درالون حريمى) = 280 قطعة تقريباً

لمشاهدة فيديو فتح بالة جاكت اطفال محير كريمة بلجيكي اضغط هنا

 

اصناف ملابس باله طوال العام 

 

بالة 50 كيلو بنطلون جينز في جبردين رجالى 75 قطعة

باله  50 كيلو رمج نايلون داخلى حريمى ولانجيرى ومايوه وكورسيه 1100 قطعة

 

ازاي تكسب من مشروع ملابس باله؟

 

تجارة ملابس الباله علي اد مفيها مكسب ممكن يكون فيها خسارة؟ وده ممكن لو حد معرفش يشتغل ازاي؟ الباله أولا لازم تتفرز يعني أعدها كام قطعه واقسم السعر اللي دفعتو علي العدد أعرف القطعة واقفه بكام مثلا القطعه واقفه عليا بـ20 جنيه في منها الي هيتباع 150 ومنها هتتباع ب70 ومنها هيتباع 50 ومنها هتتباع ب20 جنيه

 

إزاي افرز الباله؟

 

أولا تفرز الباله تطلع تلتها تحف التحف دية بتتباع غاليه تجبيلنا اللي ادفع في الباله الباقي باتباع بسعر أقل شوية والباقي بتتباع بأي سعر حتي لو بتمنهم جمله لأن دة بيكون مكسب أو اعمل عرض علي البواقي حتي لو بتمنهم أخلص منهم واجدد واجيب جديد لان لو قولنا مثل مكسب الباله 2000 لو أعدت عندي شهرين تلاته أبيع فيها كدا خسارة مش مكسب

 

مشروع البالة

 

إزي تبدأ مشروع الباله ب30 ألف جنيه؟

 

ممكن تبتدي بـ3 بالات نمرة 1 اوروبى تشكيل طبعا باله منهم لازم تكون اطفال لانها السلعة الاكثر رواج ويكون معاه بالتين حريمي إما شميز على بلوزة او فيست على بدى او باله فستان او بالة بنطلون اسكينى المهم يكون عند حضرتك تشكيل وبعدين تبتدى تكويهم وتفرزهم ويتعلقو فى المحل

 

طبعا لقصر الوقت لازم أى باله تتفتح تتفرز لـ3 مستويات بعد كدا حضرتك هتبتدى تبيع فى المحل جمعت 4 او 5 الاف من اصل راس المال ولسه عندك بضاعة فى محلك من اصل راس المال ومكسب الشغل في حل من اتنين عشان تقدر تبيع بواقى الشغل يا ما تجيب شغل جديد تدخلو فى الشغل القديم.. يا ما هتلجأ لطريقة العروض عشان تلم رأس المال والمكسب بسرعة طبعا طريقة العرض على بواقى الشغل هتكون على النت ازاى ان حضرتك مثلا هتصنف بضاعتك مثلا 100 بلوزة باقية او اى صنف اى كان كل الى حضرتك هتعملو اوكازيون على بواقى الشغل

 

إزاى أعرف الباله دى درجة تانية ولا اولى ولا كريمة؟

 

أولاً لما تفتح الباله المقفولة بالات مقفولة متستعجلش فى الحكم عليها لازم تفرزها بناء على الجودة أولاً والموديلات ثانياً والماركات والخامات ثالثاً

 

هل يشترط إنى أبيع من خلال محل ولا ممكن ابدأ من خلال البيت؟

 

كل شىء ممكن طالما الحماس موجود لكن دايماً اشتغل على قد رأس المال يعنى لو رأس المال صغير ممكن ميغطيش ايجار محل لان البضاعة القليلة ارباحها ممكن متغطيش المصاريف

 

هل لازم خبرة عشان أقدر اشتغل فى مجال ملابس الباله؟

 

لا يشترط الخبرة فى البداية ومع الوقت كلما زاد العمل زادت الخبرة ان شاء الله

 

مكاتب بيع ملابس الباله

 

ازاى افتح محل ملابس بالة ؟

 

يتوقف نجاح مشروع تجارة ملابس البالة على عدة عوامل أهمها رأس المال والادارة السليمة المبنية على التسعير الصحيح بالاضافة للموقع والمساحة الخاصة بالمحل

 

ما هو رأس المال المطلوب لفتح محل ملابس بالة؟

 

للاجابة على هذا السؤال يجب تحديد الجودة المطلوبة (درجة تانية - درجة اولى - كريمة) ويجب تحديد الاصناف التى سيتم بيعها (رجالى - حريمى - اطفال )

​

من فضلك ضع استفسارك اسفل في تعليق وملابس باله المعادي ستقوم بالإجابة على الأسئلة الجديدة ان شاء الله

​

عنوان ملابس بالة المعادي 5 شارع صادق متفرع من شارع 77 بعد مستشفى الريان -المعادي

هاتف وواتس اب 01091922588